დღეს, მთელი განვლილი დღეების მუშაობისა და მიღებული ცოდნისა და გამოცდილების  შეჯამების დღე მქონდა. ჩემ მიერ შექმნილ სასწავლო პროექტის პორტფოლიოს გადავავლე თვალი და გავიფიქრე რამდენად მნიშვნელოვანია აქ მიღებული გამოცდილების პრაქტიკაში დანერგვა,  საინტერესო და ეფექტური  სასწავლო პროცესის წარმართვისთვის.
         განსაკუთრებით მომეწონა მონაწილეთა მოსაზრებების გაზიარების მომენტი პროექტის მომზადების პროცესში , მსგავსი აქტივობა  პროექტის განხორციელებისას მოსწავლეთა სწორი მიმართულებით მუშაობის შესაძლებლობას გამოიწვევს . პროექტის გეგმისა და დამხმარე მასალების წარდგენის შემდეგ, წარმოვიდგინე ის გაკვეთილები, რომელსაც ანალოგიური აქტივობების განხორციელებით ჩავატარებ და კმაყოფილების გრძნობა დამეუფლა.... ნამდვილად ღირდა ის შრომა და მონდომება, რომელიც, როგორც ტრენერის გვანცა სალიასგან მოდიოდა, ასევე ყველა მონაწილისგან.                                        მადლობა ყველას თანამშრომლობისთვის და  ამ დღეების განმავლობაში გაზიარებული  
გამოცდილებისთვის.....

დღეს  შევისწავლე , როგორ შევქმნა პროექტებზე  დაფუძნებული სწავლებისათვის სასწავლო გარემო. გავაანალიზე რამდენად მნიშვნელოვანია ტექნოლოგიების გამოყენება  და სწავლების პროცესში დანერგვა პროდუქტიულობის გაზრდისა  და სწავლების პრაქტიკის გაუმჯობესების მიზნით. გავიაზრე , თუ როგორ გავითვალისწინო თემის ფარგლებში სასწავლო პროექტის განხორციელებისათვის საჭირო პროცედურები მოსწავლის მიერ  პროექტზე მუშაობის პროცესში ტექნოლოგიების გამოყენების მიზნით. ვფიქრობ ,რომ დღეს მიღებული ცოდნა და გამოცდილება აუცილებლად გამომადგება ჩემს პედაგოგიურ საქმიანობაში, რაც ჩემი პროფესიული განვითარებისა და სწავლების ხარისხის გაუმჯობესებას შეუწყობს ხელს,

 დღეს ჩემთვის ნაცნობ ამპლუას დავუბრუნდი და მოსწავლის სავარაუდო ნაშრომის შეფასების გეგმა შევადგინე. ვფიქრობ რომ დღეს მიღებული გამოცდილება  დამეხმარება , სასწავლო პროექტის დაგეგმვის პროცესში მოსწავლეთა  განსხვავებული საჭიროებების  გათვალისწინებასა და მათ თვითრეგულირებად მოსწავლეებად  ჩამოყალიბების ხელშეწყობაში. გავაანალიზე,როგორ შევქმნა დამატებითი მასალები მოსწავლეთა გეზის მისაცემად და როგორ მოვახერხო თემისთვის საჭირო ფასილიტაციის დაგეგმვა. დღეს უკეთ გავიაზრე  რამდენად მნიშვნელოვანია   დიფერენცირებული სწავლების მეთოდი სწავლების პროცესში  მოსწავლეთა წარმატების ხელშეწყოის მიზნით. 

დღეს გავაანალიზე, თუ როგორ ვუზრუნველყო მოსწავლეთა თვითშეფასება  მოსწავლის პრეზენტაციის მომზადების მომზადების პროცესში. როგორ შევქმნა მოსწავლეზე ორიენტირებული მოსწავლეთა თვითშეფასების რუბრიკა, რომელიც მოსწავლის პროექტში ჩართულობის პროგრესზე მონიტორინგის საშუალებას მომცემს. მსაგავსი რუბრიკების გამოყენება მოსწავლეებს დაეხმარება ობიექტურად შეაფასონ საკუთარი როლი და მონაწილეობა პროექტის მსვლელობისას და ჩამოუყალიბესებს 21-ე საუკუნის მოქალაქისათვის აუცილებელ უნარ-ჩვევებს: თავდაჯერებულობას, თანამშრომლობასა და  მიზანდასახულობას.

დღევანდელი დღე განსაკუთრებით მნიშვნელოვანი იყო ჩემთვის, რადგანაც დღეს მომეცა საშუალება მომერგო მოსწავლის როლი, გამეთავისებინა მისი მდგომარეობა პროექტის განხორციელების პროცესში, დამენახა ის საჭიროებები და მოთხოვნები,რომელიც რომელიც მოსწავლისათვის პროექტის განხორციელების სხვადასხვა ეტაპზეა აუცილებელი. ვფიქრობ რომ,დღეს მიღებული გამოცდილება დამეხმარება პროექტის განხორციელებისათვის აუცილებელი აქტივობების დაგეგმვის დროს უკეთ გავიაზრო მოსწავლეთა შესაძლებლობები  და საჭიროებები. ემპათიის გრძნობის განცდა ,კი პროექტის წარმატებით განხორციელების საშუალებას მომცემს..

დღევანდელი დღე საინტერესო იყო, რადგანაც დღეს ვიმუშავე შეფასების შეჯამებაზე ინსტრუმენტებისა და მეთოდების გამოყენებით პროექტის განხორციელების სახვადასხვა ფაზაზე. ასევე შევისწავლე ინტერნეტის გამოყენება სასწავლო პროცესის გასაუმჯობესებლად',თუ როგორ დავიცვასაავტორო უფლებების ამა თუ იმ ინფორმაციის მოპოვების დროს. და როგორ გამოვიყენო ინტერნეტი მოსწავლეთა ინტერესებისა და შესაძლებლობების გათვალისწინებით  სასწავლო პროცესის ეფექტიანობის, მიზნებისა და შედეგების მისაღწევად.

დღევანდელი დღე მნიშვნელოვანი იყო , რადგანაც დღეს ვისწავლე შაბლონების შექმნა, მასში ტექსტის ჩაწერა და სურათების ჩასმა ონლაინ ინტერნეტ რეჟიმში. გავეცანი მიმართულების მიმცემი საკვანძო კითხვების დასმის ტექნიკას, ვიმუშავე  შეფასების სხვადასხვა მეთოდების გამოყენებაზე პროექტის განხორციელების პროცესში, განსაკუთრებით საინტერესო იყო პროექტის დროში გაწერილი შეფასების რუბრიკა, რომელიც საშუალებას იძლევა პროექტის განხორციელების ყველა ეტაპზე მოსწავლეთა საჭიროებებისა და  შესაძლებლობების განსაზღვრის და პროგრესის მონიტორინგის საშუალებას იძლევა.დღეს მიღებულ ცოდნასა და უნარებს აუცილებლად გამპვიყენებ და დავნერგავ პრაქტიკაში .